အိပ်ချင်စိတ်ကိုဖြစ်ပေါ်လာစေမယ့် ၄-၇-၈ နည်းလမ်း

လူအတော်များများဟာ စိတ်ဖိစီးမှုကြောင့်ဖြစ်စေ၊ မျက်စိကြောင်တာကြောင့်ဖြစ်စေ အိပ်မရတာကိုကြုံဖူးကြမှာပါ။ ဒီလိုအိပ်မရတဲ့ညတွေ နည်းသွားစေဖို့အတွက် ၄-၇-၈ ဆိုတဲ့ သဘာဝနည်းလမ်းလေးတစ်ခုနဲ့မိတ်ဆက်ပေးပါရစေ။

ဒီနည်းလမ်းကိုတော့ အမေရိကန်နိုင်ငံ၊ အရီဇိုးနားတက္ကသိုလ်မှ ဒေါက်တာ အင်ဒရူး ဝေးလ် ဆိုသူကတီထွင်ခဲ့တာဖြစ်ပါတယ်။ သူဟာ အိပ်စက်ခြင်းကိုအထူးပြုလေ့လာနေတဲ့ပါရဂူတစ်ဦးဖြစ်ပါတယ်။ သူ့ရဲ့လူနာတွေကို ဒီနည်းလမ်းလေးနဲ့စမ်းသပ်ပြီး အိပ်စက်စေတဲ့အခါမှာ အတိုင်းအတာတစ်ခုထိအောင်မြင်မှုရရှိခဲ့တာကို တွေ့ရပါတယ်။

“၄” ဆိုတာကတော့ အသက်ကိုလေးစက္ကန့်ကြာအောင်ရှူသွင်းခြင်းကိုဆိုလိုပါတယ်။ အဲဒီနောက်မှာတော့ အသက်ကို “၇”စက္ကန့်ကြာအောင် အောင့်ထားပေးရမှာပဲဖြစ်ပါတယ်။ ပြီးတဲ့အခါမှာ “၈” စက္ကန့်ကြာအောင်အသက်ကိုရှူထုတ်ရမှာပါ။ ဒီလုပ်ငန်းစဉ်လေးဟာ အားလုံးပေါင်း ၁၉ စက္ကန့်ကြာပါမယ်။ ဒီအတိုင်း အားလုံးပေါင်း အကြိမ်ရေ လေးခါပြုလုပ်ပေးပြီးတဲ့အခါမှာတော့ သင့်ရဲ့ခန္ဓာကိုယ်ဟာ အောက်စီဂျင်အပြည့်အဝရရှိပြီး အနားယူခြင်းရဲ့အရသာကို ပြည့်ပြည့်ဝဝရရှိပြီဖြစ်လို့ အိပ်ချင်စိတ်ကိုပိုမိုဖြစ်လာစေမှာပဲဖြစ်ပါတယ်။

မေတ္တာဖြင့်

စိုင်းမြတ်သူ