ကလေးမွေးဖွားရ လွယ်ကူစေသော နည်းလမ်းများ

ယောဂ လေ့ကျင့်ခန်း

လေ့ကျင့်ခန်းများစွာထဲကမှ ယောဂလေ့ကျင့်ခန်းဟာ ကိုယ်ဝန်ဆောင်တွေ အတွက် ဘာလို့ သင့်တော်သလဲဆိုတာကို ဗြိတိန် ကလေးမွေးဖွားနည်း သင်ကြားပြသသူ ဂျနက် ဘလက်စကာ Janet Balaska က အခုလို ရှင်းပြထားပါတယ် ။“ယောဂကျင့်စဉ်ဟာ ကိုယ်ဝန်ဆောင်မိခင်များရဲ့ ခန္ဓာကိုယ်ကို အနေအထားမှန်အောင်ပြင်ဆင်ပေးပါတယ် ။ယောဂကျင့်စဉ်မှာပါတဲ့ မတ်တပ်ရပ်ခြင်း ၊ဒူးထောက်ခြင်း ၊ဆောင့်ကြောင့်ထိုင်ခြင်း စတာတွေဟာ တင်ပါးဆုံက ကြွက်သားတွေကို ပြေလျော့စေပြီး ကလေးမွေးဖို့ ကလေးမွေးလမ်းကြောင်းကနေ ဆင်းလာတဲ့နေရာမှာ လွယ်ကူစေပါတယ် ။”

ဒါ့အပြင် ယောဂကျင့်စဉ်မှာပါတဲ့ အသက်ရှူလေ့ကျင့်ခန်းဟာ ကလေးမီးဖွားစဉ်မှာလည်း နာကျင်မှုသက်သာအောင် ထောက်ကူပေးပါတယ် ။

နှိပ်နယ်ခြင်း

တတ်ကျွမ်းတဲ့ အနှိပ်ဆရာများက နှိပ်နယ်ပေးခြင်းဖြင့် ကလေးမီးဖွားရာမှာ တောင့်တင်းတတ်တဲ့ ကြွက်သားတွေကို ပြေလျော့စေခြင်းဖြင့် ကလေးမွေးဖွားရ လွယ်ကူ စေနိုင်ပါတယ် ။

ဒါ့အပြင် ကလေးမွေးဖွားစဉ် မိမိတို့ရဲ့ ခင်ပွန်းအမျိုးသားတို့က ကြင်နာစွာ လက်ကိုကိုင်ခြင်း ခေါင်းကလေးပုတ်ခြင်း စတဲ့ ချစ်ကြည်နူးဖွယ်အတိနဲ့ အထိအတွေ့အကိုင်အတွယ်များသည် ကိုယ်ဝန်ဆောင် မိခင်တွေမှာ အောက်ဆီတိုစင်ဆိုတဲ့ ဟော်မုန်းဓာတ်တွေကို ထွက်စေကာ သားအိမ်ညှစ်အားကို ပိုကောင်းစေကာ ကလေးမွေးဖွားမှုကို လွယ်ကူ လျင်မြန်စေပါတယ် ။

အိပ်မွေ့ချနည်း

တချို့တွေက နာမှာ အရမ်းလည်းကြောက်တယ် ။ရိုးရိုးလည်း မွေးချင်တယ်။ ဒါမျိုးဆိုရင် အိပ်မွေ့ချကုထုံးနဲ့ စိတ်ရော ကြွက်သားတွေပါ ပြေလျော့အောင် လေ့ကျင့် ပေးလို့ ရတယ်လို့ ဆိုကြပါတယ် ။ဒါကတော့ စမ်းသပ်ဆဲ အဆင့်ပဲ ရှိပါသေးတယ် ။

ကလေးခေါင်းအနေအထားပြင်ဆင်ခြင်း Optimal fetal positioning

ကလေးမွေးဖွားရမှာ လွယ်ကူ ချောမွေ့တဲ့ ကလေးဦးခေါင်းအနေအထား သည် ကလေးရဲ့ နောက်စေ့သည် အမေရဲ့ မြှီးညှောင့်ရိုးနဲ့ ဆန့်ကျန်ရာကို ဦးတည် ထားတဲ့အနေအထားပဲ ဖြစ်ပါတယ် ။တကယ်လို့ ကလေးနောက်စေ့သည် အမေရဲ့ မြှီးညှောင့်ရိုးဘက် ဦးတည်နေရင် ကိုယ်ဝန် ၃၄ပတ်မှစပြီး တစ်နေ့ရင် နာရီဝက်နှစ်ကြိမ် ခန့် ရှေ့ကို အနည်းငယ်ကုန်းပြီး မတ်မတ်ထိုင်သင့်ပါတယ် ။အဲ့လိုထိုင်ရင် ကလေးဦး ခေါင်းသည် မွေးဖွားရာတွင် လွယ်ကူစေတဲ့ အနေအထားကို ပြန်လည်သွားတတ်ပါတယ်

Kegel’s Exercise ကီးလ်ဂဲလ် လေ့ကျင့်ခန်း

ကိုယ်ဝန်ဆောင်သည်တွေ အနေနဲ့ ကီးလ်ဂဲလ် လေ့ကျင့်ခန်းလုပ်ခြင်းဖြင့် လည်း မွေးဖွားရမှာ လွယ်ကူစေတယ်လို့ ဆိုကြပါတယ် ။ဝမ်းညှစ်သလို မွေးလမ်း ကြောင်းရှိ ကြွက်သားတွေကို လေ့ကျင့်ပေးလို့ရပါတယ်။ တစ်ခါညှစ်ရင် ၁ကနေ ၂၀ အထိ ရေပြီး ကျင့်ပါ ။

အပူ အအေး ကပ်ခြင်း

နာကျင်နေတဲ့ ဗိုက်နေရာကို အပူအအေး ကပ်ပေးခြင်းဖြင့်လည်း ကြွက်သား တွေကို ပြေလျော့စေကာ နာကျင်မှုကို သက်သာစေပါတယ် ။

Doula ဒူလာ ၊ကလေးမီးဖွားရာတွင် ကူညီပေးတဲ့သူများ

နိုင်ငံခြားတိုင်းပြည်မှာတော့ ဒူလာများ ရှိပါတယ် ။သူတို့က ကလေးမွေးဖွားစဉ်မှာ ဘေးကနေပြီး အသက်ကို ဘယ်လိုရှုသွင်း ရှုထုတ်လုပ်ရမလဲ ၊ဘယ်လို အာရုံစူးစိုက်ထားရမလဲ ၊မွေးလမ်းကြောင်းရှိ ကြွက်သားတွေကို ဘယ်လိုညှစ်ရမလဲ စသဖြင့်ညွှန်ကြားပြီး ကူညီပေးကြပါတယ် ။

ခေတ်သစ် ဇီဝက