မွေးကင်းစကလေးခေါင်းရိတ်သင့် မရိတ်သင့်?

မွေးကင်းစကလေးငယ်တွေရဲ့ ဆံပင်ကိုရိတ်ပေးရတယ်ဆိုတဲ့ အယူအဆ လူတော်တော်များများမှာရှိပါတယ်။ အများစုကတော့ ရိုးရာဓလေ့ကြောင့်ပါပဲ။ အချို့ကလည်း ကလေးရဲ့မွေးဆံပင်ကိုရိတ်ပစ်မှ ဆံပင်ပိုသန်မယ် ဆံပင်ပိုထူမယ်လို့ ဆိုကြပြန်ပါတယ်။ အချို့မိဘတွေကတော့ ဒီအယူအဆတွေကို မယုံကြပါဘူး။

တကယ်တော့ ဆံပင်ဆိုတာ ဦးရေပြားရဲ့အောက်မှာရှိတဲ့ Hair follicle ကနေတစ်ဆင့်ပေါက်လာတာပါ။ ဒီတော့ပြင်ပဦးရေပြားအပြင်မှာရှိနေတဲ့ ဆံပင်ကိုရိတ်ခြင်းဟာ မွေးညှင်းအိတ်( Hair Follicle )ကနေထွက်လာတဲ့ ဆံပင်ကိုဘာသက်ရောက်မှုမှ မဖြစ်စေပါဘူး။ ဒီတော့ ကလေးခေါင်းကိုရိတ်မှ ကလေးဆံပင်သန်တယ်ဆိုတာ မဟုတ်ပါဘူး။ ဆံပင်သန်မှု၊မသန်မှုဟာ မျိုးဗီဇ(gene)နဲ့ပဲဆိုင်ပါတယ်။

ကလေးရဲ့မွေးဆံပင်နုနုကလေးတွေဟာ သုံးလကနေ ခုနစ်လကြားမှာ စတင်ပြောင်းလဲပါတယ်။ ကျွတ်သင့်တဲ့ဆံပင်ကျွတ်ပါတယ်။ ကလေးအသက်နှစ်နှစ်လောက်မှာတော့ နူးညံ့ပါးလွှာတဲ့ မွေးဆံပင်နေရာမှာ ထူထဲပြီးသန်မာတဲ့ ဆံပင်တွေအစာဒထိုးနေပါပြီ။

ဒါကြောင့် ကလေးရဲ့ဆံပင်ကိုရိတ်ခြင်းဟာ ဘာမှထူးပြီး အကျိုးကျေးဇူးမပေးပါဘူး။ ကလေးရဲ့ဆံပင်သန်မှုဟာ ဦးရေပြားအောက်က Hair follicle တွေနဲ့ပဲဆိုင်ပါတယ်။ ပြီးတော့ အစာအာဟာရပြည့်စုံမှုနဲ့လည်း ဆိုင်ပါတယ်။

နောက်အရေးကြီးတဲ့အချက်ကတော့ ကလေးခေါင်းရိတ်ခြင်းရဲ့ ဆိုးကျိုးတစ်ခုပါ။ ကလေးရဲ့ခေါင်းဟာ မွေးခါစမှာ အင်မတန်နူးညံ့ပါတယ်။ သူ့ရဲ့ဦးခေါင်းခွံဟာ အပြည့်မဆက်သေးတဲ့အတွက် ငယ်ထိပ်မှာ Fontanelle လို့ခေါ်တဲ့ လှုပ်နေတဲ့နေရာလေးလည်းရှိပါတယ်။ ကလေးခေါင်းကိုရိတ်ရင် အဲဒီနေရာတွေ ထိခိုက်မိနိုင်ပါတယ်။ သွေးထွက်ခြင်း၊ အနာတရဖြစ်ခြင်းကနေ နုနယ်တဲ့ကလေးကို ပိုးဝင်ခြင်းထိဖြစ်စေနိုင်ပြီး မလိုလားအပ်တဲ့အန္တရာယ်တွေရှိစေပါတယ်။

ဒါကြောင့် မွေးကင်းစကလေးတွေရဲ့ ဆံပင်ကို ရိတ်ဖို့မလိုအပ်ပါဘူး။ သန့်ရှင်းကျန်းမာမှုအတွက်တော့ ကလေးငယ်ရဲ့ဦးခေါင်းနဲ့ဆံပင်ကို ပုံမှန်သန့်စင်ပေးဖို့ပဲလိုအပ်ပါတယ်လို့ ရေးသားဖော်ပြလိုက်ရပါတယ်။

အားလုံးကျန်းမာပျော်ရွှင်ကြပါစေ။

မောင်(ဆေး-၁)