မြင်းခွာရွက် အကြောင်း

မြင်းခွာရွက် ဟာ မြန်မာတွေကြားမှာ လူကြိုက်များတဲ့ အရွက်တစ်မျိုး ဖြစ်ပါတယ်။ မြင်းခွာရွက်သုပ်၊ မြင်းခွာရွက် ဟင်းရည် တို့ ဟာနေ့ စဉ် မြန်မာထမင်းဝိုင်းမှာ ပါတဲ့ ဟင်းလျာတွေ ဖြစ်ပါတယ်။ မြင်းခွာရွက် ကို ငါးပိရည် တို့ စရာနဲ့ လည်း စားကြပါသေးတယ်။ မြင်းခွာရွက် ကို မုန့် နှစ်နဲ့ နှစ်ပြီး အကြော် အဖြစ်လည်း စားနိုင်ပါတယ်။ မြင်းခွာရွက်ဟာ ဆေးဖက်ဝင်မှန်း လူတိုင်းသိကြပါတယ်။ မြန်မာ့ ဆေးနည်းလည်း ဖြစ်ပါတယ်။ မြင်းခွာရွက် သတ္တုရည်ဟာ နာမည်ကြီး မြန်မာ့တိုင်းရင်းဆေး တစ်ပါး ဖြစ်ပါတယ်။ ဒီလို နာမည်ကြီးတဲ့ မြင်းခွာရွက်ရဲ့  အကြောင်းကို သိပ္ပံနည်းကျ ဖော်ပြလိုပါတယ်။
မြင်းခွာရွက် တရုတ်ပန်းကန်လုံး တစ်လုံမှာ ကယ်လိုရီ ၂၅ ခန့် ၊ အသားဓာတ် ၁ ဂရမ် ပါဝင်ပါတယ်။ ဒါ့အပြင် သတ္တုဓာတ်များ ဖြစ်တဲ့ ပိုတက်ဆီယမ်၊ မဂနီဆီယမ်၊ ဆိုဒီယမ်၊ ကယ်လဆီယမ် နဲ့  ဇင့်ဓာတ်တို့ ပါဝင်ပါတယ်။ ဗီတာမင် B1, B2, B3, B6 တို့ ပါဝင်ပါသေးတယ်။ မြင်းခွာရွက် ရဲ့  အစွမ်းသတ္တိတွေကတော့ သဘာဝ ပိုးသတ်ဆေး အာနိသင်ရှိခြင်း၊ ရောင်ယမ်းတာကျစေခြင်း၊ မျက်စိအားကောင်းစေခြင်း၊ အဆစ်အမြစ်ကိုက်တာ သက်သာစေခြင်း စတာတွေ ဖြစ်ပါတယ်။ မှတ်ဥာဏ်ကို ပါ ကောင်းစေနိုင်တယ်လို့  တစ်ချို့  လေ့လာချက်တွေမှာ တွေ့ ရှိရပါတယ်။ ဦးနှောက်နဲ့  အာရုံကြောကို ပါ သက်ရောက်မှု ရှိတာကြောင့် စိတ်ပူပန်မှု များနေတာတွေ၊ ညည အိပ်မပျော်တာတွေ၊ စိတ်ဖိစီးမှုများနေတာမျိုးတွေကို ပါ သက်သာစေနိုင်ကြောင်း တွေ့ ရှိထားပါသေးတယ်။ ပင်ပန်းနွမ်းနယ်မှု နဲ့  နှုံးခြင်း ကိုလည်း အမြန်သက်သာစေပါတယ်။ အရေပြားဓာတ်မတည့်တာမျိုး ကိုလည်း မြင်းခွာရွက် အမှုန့် လ်ိမ်းရင် သက်သာတာမျိုး ရှိပါတယ်။
မြင်းခွာရွက်မှာ သွေးကြဲစေတဲ့ သတ္တိလည်း ရှိပါတယ်။ ဒါကြောင့် သွေးကြဲဆေး သောက်နေရသူတွေ သတိထားရပါမယ်။ မြင်းခွာရွက်ကို နေ့ စဉ် ကျိတ်သောက်တာမျိုးကတော့ မသင့်တော်ပါဘူး။ မြင်းခွာရွက်မှ မဟုတ်ပါဘူး။ တခြား ဘယ်အရွက် ဖြစ်ဖြစ် နေ့ တိုင်း ကျိတ်သောက်တာမျိုးကတော့ ရှောင်သင့်ပါတယ်။ ကျမတို့  ခန္တာကိုယ်က အာဟာရ မျိ်ုးစုံကို အသင့်အတင့်လိုပါတယ်။ တမျိုးတည်းကို အလွန်အကျွံစားသုံးတာ မျိုးဟာ ဘေးဖြစ်စေတတ်ပါတယ်။ ကောင်းကျိုး အများကြီး ရှိတဲ့ မြင်းခွာရွက်ကို တန်ဆေးလွန်ဘေးဆိုတဲ့ အတိုင်း ဆေးဖြစ်အောင်ပဲ စားသုံးသင့်ပါတယ်။ မြင်းခွာရွက်ကို အလွန်အကျွံစားသုံးတာဟာ အသည်းကို ပါ ထိခိုက်စေနိုင်ကြောင်း လေ့လာချက်တွေလည်း တွေ့ ရပါတယ်။ အရွက်စိမ်းတွေကို ကျိတ်သောက်တာမျိုးကို နေ့ စဉ်လုပ်ပါက ပိုတက်ဆီယမ်ဓာတ် တွေ သွေးထဲမှာ များလာနိုင်ပါတယ်။ ကျောက်ကပ် အားနည်းတဲ့ သူမျိုး ဆိုရင် ပိ်ုသတိထားရပါမယ်။ အဆိပ်သင့်တာမျိူး တွေ ရှိလာနိုင်ပါတယ်။ ]
ဒါကြောင့် မြင်းခွာရွက် ဖြစ်ဖြစ် တခြား ဘယ်အသီး အရွက် မဆို သင့်တင့်တဲ့ ပမာဏကိုသာ ချင့်ချိန်စားသုံး ဖြင့် ပိုမိုကျန်းမာတဲ့ ဘ၀ကို ပိုင်ဆိုင်နိုင်ပါတယ်။ အသီးအရွက်စားသုံးတာဟာ အလွန်ကောင်းမွန်တဲ့ အကျင့်ဖြစ်ပါတယ်။ ဆက်လက်ကျင့်သုံးကြဖို့ တိုက်တွန်းလိုက်ပါတယ်။

Dr. Jasmine