ကလေးများအတွက် ရွှေဖယုံသီးအာဟာရ

ရွှေဖယုံသီးဟာ အာဟာရတန်ဖိုး မြင့်မားတဲ့ အစားအစာဖြစ်ပါတယ်။ သဘာဝ ချိုတဲ့ အရသာကြောင့် ကလေးရော လူကြီးပါ နှစ်သက်ကြပါတယ်။ ရွှေဖယုံသီးနှပ်၊ ရွှေဖယုံသီးဟင်းရည်၊ ရွှေဖယုံသီး ပူတင်း၊ ရွှေဖယုံသီး ဆနွင်းမကင်း၊ ရွှေဖယုံသီး ပိုင်မုန့် စတာတွေ အမျိုးစုံ လုပ်စားနိုင်ပါတယ်။ အရောင်ရော အရသာ ပါ ကောင်းမွန်တာကြောင့် ကလေးတွေ ကြိုက်တာများပါတယ်။ ကလေးအသက် ၆ လအထက် ဖြည့်စွက်စာ ကျွေးတဲ့ အချိန်မှာ ကစပြီး ကျွေးလို့ ရပါပြီ။ ရွှေဖယုံသီးရဲ့  သဘာဝ အချိုအရသာကို အစာချေးများတဲ့ ကလေးတွေတောင် လက်ခံနိုင်တာ တွေ့ ရပါတယ်။ မေမေတို့ လွယ်လွယ်ကူကူ ကျွေးနိုင်တဲ့ ဟင်းသီးဟင်းရွက် တစ်ခုပါ။

ရွှေဖယုံသီး ဟာ ဗီတာမင် A ကြွယ်ဝတယ်ဆိုတာ လူတိုင်းသိကြပါတယ်။ အခွံမပါ ရွှေဖယုံသီး ၁၀၀ ဂရမ် (၆ကျပ်သားခန့် ) မှာ ပါဝင်တဲ့ အာဟာရဓာတ်တွေကတော့ အင်အားဓာတ်- ၂၆ ကယ်လိုရီ၊ အဆီ ၀.၁ ဂရမ်၊ ကစီဓာတ် ၆.၅ ဂရမ်၊ အမျှင်ဓာတ် ၀.၅ ဂရမ်၊ သကြား ၂.၈ ဂရမ်၊ အသားဓာတ် ၁ ဂရမ်၊ ဗီတာမင် A ၊ ဗီတာမင် C ၊ ဗီတာမင် K၊ ဗီတာမင် B3၊ သံဓာတ်၊ ဖောလိတ်၊ ပိုတက်ဆီယမ်၊ ဖောစဖောရပ်စ်၊ ဆိုဒီယမ်၊ မဂနီဆီယမ်၊ ကယ်လ်ဆီယမ်၊ ဇင့်၊ သွပ်ဓာတ်၊ ကော်ပါး စသဖြင့် ဗီတာမင်သက်စောင့်ဓာတ် မျိုးစုံပါဝင်ပါတယ်။ အားဆေးတွေမှာ ပါသလိုပဲ ဗီတာမင် A to Z ပါပါတယ်။ အမျှင်ဓာတ်ပါဝင်တဲ့ အတွက် ကလေးငယ် ၀မ်းချုပ်ခြင်းမှ ကာကွယ်ပါတယ်။ ဗီတာမင် A ပမာဏ များတာကြောင့် နေ့ တိုင်းကျွေးစရာ မလိုပါဘူး။ တစ်ပတ် ၃-၄ ကြိမ် ၅ ကျပ်သားခန့် စီ ကျွေးရင် ကလေးငယ်တွေ အတွက် လုံလောက်ပါတယ်။

ရွှေဖယုံသီး နေ့ တိုင်းစားရင် ၀ါ လာတယ်ဆိုပြီးပြောကြပါတယ်။ ရွှေဖယုံသီးမှ မဟုတ်ပါဘူး။ ဗီတာမင် A ကြွယ်ဝတဲ့ အ၀ါ နဲ့ လိမ်မော်ရောင် အသီးအနှံများအားလုံး ဖြစ်နိုင်ပါတယ်။ တလှည့်စီ အရောင်စုံအောင် ကျွေးတဲ့ အကျင့်လုပ်ပါ။ နေ့ စဉ် အစိမ်းရောင်၊ ခရမ်းရောင်၊ အ၀ါရောင် ၊ အဖြူရောင် စသဖြင့်စုံလင်အောင် ကျွေးပါ။ ၆ လ အထက် ကလေးများကို ဆန်ပြုတ်ထဲ ထည့်ပြီး ဖြစ်စေ၊ ဆီရီယယ် ၊ အုတ် နှင့် ဖြစ်စေ ရောကျွေးပါ။ ရွှေဖယုံသီးကို အတုံးလေးများ တုံးပြီးမီးဖုတ် ပြီးဖြစ်ဖြစ်၊ ပြုတ်တာဖြစ်ဖြစ်၊ Bake လုပ်တာဖြစ်ဖြစ် ကျွေးလို့ ရပါတယ်။ Finger foods လုပ်မယ်ဆို ၂ လက်မ အရှည် အတုံးလေးတွေ တုံးပါ။ Pureed လုပ်ကျွေးလို့ လည်း ရပါတယ်။ အသားနဲ့ ရောကျိုပြီးလည်း ကျွေးနိုင်ပါတယ်။ ၁ နှစ်အောက် ကလေးများအတွက် အစားအစာ ပြင်ဆင်ရင် ဆား လုံးဝ မသုံးရပါဘူး။

၁ နှစ်အထက် ကလေးများကို တော့ ထမင်းနဲ့  ဟင်း စကျွေးလို့ ရပြီ ဖြစ်တဲ့ အတွက် လူကြီးတွ ချက်သလို ချက်လို့ ရပါပြီ။ ကလေး ၁ယောက်နဲ့  ၁ယောက် ထမင်း စစားတဲ့ အချိန် မတူပါဘူး။ တစ်ချို့ က ၁နှစ်ပြည့်တာနဲ့ လူကြီးထမင်း စစားပေမယ့် တစ်ချို့ ကလေးက ၁ နှစ်ခွဲမှ စားပါတယ်။ အာဟာရ စုံအောင် ကျွေးဖို့  အဓိက ကျပါတယ်။ ကလေးကို အတင်းဖိအား မပေးပါနဲ့ ။ နောက်ပြီး အစားအစာအသစ် စကျွေးရင် ကလေးတွေက ချက်ချင်း လက် မခံ တတ်ပါဘူး။ တခါငြင်းလည်း စိတ်ဓာတ် မကျပါနဲ့ ။ ၃-၄ ရက်ခြားပြီး နောက်ပုံစံ တစ်မျိုးလုပ်ပြီး ထပ်ကျွေးပါ။ ၁၃-၁၅ ကြိမ်ထိ ကြိုးစားကျွေးသင့်တယ်လို့ သုတေသန စာတမ်းတွေက အကြံပြုထားပါတယ်။ ၃-၄ ကြိမ်နဲ့ လက်လျှော့လိုက်ရင် မိမိကလေးက အစာမျိုးစုံကို မစားတတ်ဘဲဖြစ်သွားပါလိမ့်မယ်။ ဒီလောက်ဆိုရင်တော့ ရွှေဖယုံသီး အကြောင်းရော ကလေး အစာကျွေးနည်းပါ ရသွားပြီလို့ ထင်ပါတယ်။ ကျန်းမာပျော်ရွှင်သော ကလေးများ ဖြစ်ပါစေ။

Dr. Jasmine