ကလေးများတွင် ဗီတာမင် ဒီ ချို့တဲ့ခြင်း

ကလေးတွေရဲ့ကောင်းမွန်စွာကြီးထွားဖွံ့ဖြိုးမှုမှာ ကိုယ်ရောဥာဏ်ကောကောင်းမွန်စွာဖွံ့ဖြိုးဖို့ လိုပါတယ်။ ကလေးထွားလာရုံဝလာရုံတင်မဟုတ်ပဲ လိုအပ်တဲ့အာဟာရတွေပြည့်စုံအောင်၊ သန်စွမ်းအောင်လည်း ကြိုးစားပေးရမှာပါ။ လိုအပ်တဲ့အာဟာရတွေမပြည့်စုံရင်တော့ ကြီးထွားပေမယ့်လည်းမကျန်းမာတာ၊ ကောင်းကောင်းမဖွံ့ဖြိုးတာတွေကြုံတွေ့ရမှာဖြစ်ပါတယ်။

Vitamin Dဆိုတာကတော့ အများသိကြတဲ့အတိုင်းအရိုးအဆစ်တွေသန်မာဖို့အရေးကြီးတဲ့ ဓာတ်တစ်မျိုးဖြစ်ပါတယ်။ calcium နဲ့အတူအရိုးတွေသန်မာအောင်ပြုလုပ်ပေးပါတယ်။ vitamin Dရဲ့လုပ်ဆောင်ချက်တွေက calciumအတွက် အရမ်းအရေးပါပါတယ်။ vitamin dက အူကနေcalcium စုပ်ယူခြင်းကိုအားပေးပါတယ်။ calcium များလာမှအရိုးသန်မာလာစေပြီး အရိုးကျိုးခြင်းအရိုးပျော့ခြင်းကိုကာကွယ်ပေးနိုင်ပါတယ်။ အရိုးသန်မာအောင်လုပ်ပေးရုံသာမကပဲ ကိုယ်ခံစွမ်းအားမြှင့်တင်ပေးတာ၊ ကြွက်သားလှုပ်ရှားမှုကိုအထောက်အကူပေးတာစတဲ့နေရာတွေမှာလည်း အရေးပါပါတယ်။

အဲဒီလိုအရေးပါတဲ့ vitamin Dဟာ ကလေးတွေကြီးထွားနေတုန်းမှာ ပြည့်ပြည့်ဝဝမရတော့ရင် နောက်ဆက်တဲ့ဆိုးကျိုးတွေများစွာရှိလာပါတယ်။ အဓိကအားဖြင့်အရိုးအဆစ်နဲ့ပက်သက်တာတွေကနေ ဒုက္ခပေးနိုင်ပါတယ်။ သွားတွေကောင်းစွာမဖွံ့ဖြိုးတာ၊ အရိူတွေပျော့တာ၊ အရိးကောင်းကောင်းမဖွံ့ဖြိုးတာ၊ bow legလို့ခေါ်တဲ့ ခြေထောက်က လေးကိုင်းသဖွယ်ဘေးကိုကိုင်းနေတာ၊ knock kneeလို့ခေါ်တဲ့ခြေနှစ်ဖက်စလုံးက အတွင်းကိုခွက်နေတာတွေဖြစ်နိုင်ပ်တယ်။ ကြွက်သားတွေနာတာ၊ အရိုးအဆစ်တွေနာတာ၊ ကြွက်တက်တာတွေဖြစ်နိုင်ပါတယ်။ နည်းနည်းပါးပါထိခိုက်တာနဲ့ အရိုးကျိုးတာ၊ အရိုးအက်တာတွေဖြစ်နိုင်သလို အရပ်ပုနိုင်တဲ့အခါတွေလည်းရှိပါတယ်။
ကိုယ်ခံစွမ်းအားမကောင်းတဲ့အတွက် နေမကောင်းမကြာခဏဖြစ်တတ်ပါတယ်။ ရာသီဥတုအကူးအပြောင်းမှာ၊ တော်ရုံအအေးမိတာနဲ့လည်းဖျားနာတတ်ပါတယ်။

ဘယ်အချိန်မှာvitamin Dချို့တဲ့တတ်လည်းဆိုရင်တော့ ကြီးထွားနှုန်းများနေတဲ့အချိန်မှာ လုံလုံလောက်လောက်မပေးထားရင် ချို့တဲ့မှာဖြစ်ပါတယ်။ vitamin Dလုံလောက်စွာမရနိုင်တဲ့အခြေအနေတွေရှိပါတယ်။ vitamin Dကိုခန္ဓာကိုယ်ကနေထုတ်လုပ်ပါတယ်။ အရေပြားပေါ်ကcellတွေမှာvitamin Dဖစ်လာမယ့် chemical တွေရှိပြီးနေနဲ့ထိတာနဲ့ ဆင်ပြွားပြောင်ူလဲမှုတွေဖြစ်ပေါ်ပြီး vitamin Dရယ်လြို့ဖစ်လာကာ calcium ကိုကောင်းမွန်စွာစုပ်ယူစေနိုင်ပါတယ်။ အသားအရောင်ရင့်တဲ့ကလေးတွေက နေရောင်ကိုကောင်းမွန်အောင်မထိတွေ့နိုင်လို့ vitamin Dချို့တဲ့နိုင်ပါတယ်။
ကျောက်ကပ်ရောဂါရှိတဲ့ကလေးတွေ၊ အူလမ်းကြောင်းဆိုင်ရာရောဂါရှိတဲ့ကလေးတွေမှာလည်း ချို့တဲ့နိုင်ပါတယ်။

Calcium ကိုအဓိကချုပ်ကိုင်ပေးနေတဲ့ vitamin Dမရှိတော့တဲ့အခါ calciumကပေးတဲ့ကောင်းကျိုးတွေမရနိူင်တော့တဲ့အတွက် ကလေးကြီူထွားသင့်သလောက်မကြီးထွားတော့ပဲ ဆုတ်ယုတ်မှုတွေရှိလာနိုင်ပါတယ်။ နေမကောင်းတာ၊ ကြွက်တက်တာတိုကြပြန်ကောင်းနိုင်ပေမယ့် အရိုးနဲ့ပက်သက်တဲ့ကိစ္စတွေဖြစ်လာရင်တော့ ကုသရခက်ခဲတဲ့အပြင်အသက်ကြီးလာတဲ့အထိ ချို့ယွင်းချက်တွေဖြစ်စေနိုင်တာကြောင့် vitamin Dကိုကောင်းမွန်ပြည့်ဝစွာရှိအောင်ကြိးစားသင့်ပါတယ်။

Dr. ZZ