ညှင်းမပေါက်အောင်ဘယ်လိုကာကွယ်မလဲ???

ကဲ ညှင်းမပေါက်အောင် ဘယ်လိုကာကွယ်ကြမလဲတဲ့။

ညှင်းမပေါက်အောင်ဘယ်လိုကာကွယ်ရလဲဆိုတဲ့အခါ ညှင်းဟာ သဘာဝအတိုင်းလူ့ခန္ဓာကိုယ်မှာရှိနေတတ်တဲ့မှိုအမျိုးအစားတစ်မျိုးဆိုတာသိထားရမယ်။ သဘာဝအတိုင်းရှိနေတတ်တာမို့ မကြာခဏဆိုသလိုလဲ ပြန်ပြန်ပြီးဖြစ်လေ့ဖြစ်ထရှိတဲ့ရောဂါဖြစ်ပါတယ်။ သူ့ကိုဖြစ်ပေါ်စေအောင်အားပေးပြီဆိုရင်အချိန်မရွေးပြန်ပေါ်လာတတ်ပါတယ်။

ဒါကြောင့်မို့ ညှင်း ခနခမပြန်မဖြစ်အောင် အောက်ပါအချက်များကိုလိုက်နာလုပ်ဆောင်ပေးဖို့လိုပါတယ်…

၁)အဆီများတဲ့ အလှကုန်ပစ္စည်းများကိုရှောင်ပါ။

၂)နေရောင်ခြည်ထိတွေ့မှုကိုလျှော့ပါ။

နေရောင်ခြည်ဟာ ညှင်းကိုပိုမိုဆိုးဝါး၊ပိုမိုသိသာစေရုံသာမက ညှင်းဖြစ်ပေါ်ဖို့ကိုလဲအားပေးပါတယ်။

၃)နေရောင်ခြည်ထဲအချိန်ကြာကြာထွက်ရမယ်ဆိုရင် မထွက်ခင်၂ရက်၃ရက်လောက်ကြိုပြီး မှိုရောဂါကိုနိုင်သောခေါင်းလျှော်ရည်ဖြင့်နေ့စဉ်ခေါင်းလျှော်ပေးပါ။

၎)နေရောင်ကာကရင်မ်နေ့စဉ်လိမ်းပါ။

SPF-30 အနည်းဆုံးပါဝင်သော အဆီမများသည့်နေရောင်ကာလိမ်းဆေးများသုံးသင့်ပါတယ်။

၅)ကျပ်လွန်းသောအဝတ်အစားများဝတ်ဆင်ခြင်းကိုရှောင်ပါ။

၆)ချွေးထွက်စွတ်စိုမှုနည်းစေရန် လေဝင်လေထွက်ကောင်းသော ချည်သားကဲ့သို့အဝတ်အထည်များကိုသာဝတ်ဆင်ပါ။

၇)ပူနွေးစွတ်စိုတဲ့ရာသီဥတုများမှာ ဆရာဝန်နှင့်တိုင်ပင်ပြသပြီး ညှင်းကိုနိုင်သောဆေးဝါးများ(သောက်ဆေး၊လိမ်းဆေး၊ခေါင်းလျှော်ရည် စသည်)ကို တစ်လလျှင်တစ်ကြိမ်(သို့)နှစ်ကြိမ်ခန့် သုံးစွဲပေးပါက ညှင်းရောဂါမကြာခဏဖြစ်ခြင်းကိုအထိုက်အလျောက်ကာကွယ်ပေးနိုင်ပါတယ်။

ဖော်ပြပါအချက်ကလေးတွေကိုလိုက်နာပြီး ညှင်းကင်းစင်၍ပြစ်မျိုးမှဲ့မထင်သော အရေပြားအလှလေးများပိုင်ဆိုင်နိုင်ကြပါစေ။

dr.ye’lwin mm